கமலின் புதிய படத்தில் ஸ்ருதி பாட்டு

கமல்ஹாசனின் தலைவன் இருக்கின்றான் படத்தின் தீம் பாடலை அவரது மகள் ஸ்ருதி கமல் பாடவுள்ளாராம்.

தந்தையின் படத்தில் ஸ்ருதி பாடுவது புதிதல்ல. ஏற்கனவே ஹேராம் படத்தில் அவர் குரல் கொடுத்துள்ளார். சமீபத்தில் வாரணம் ஆயிரம் படத்திலும் தனது குரல் முத்திரையைப் பதித்தார் ஸ்ருதி.

இந்த நிலையில், தலைவன் இருக்கின்றான் படத்தின் தீம் பாடலை ஸ்ருதி பாடவுள்ளார். ஏ.ஆர்.ரஹ்மான்தான் இந்தப் படத்தின் இசையமைப்பாளர் என்பது குறிப்பிடத்தக்கது.

இதற்கிடையே, தலைவன் இருக்கின்றான் படத்தில் வரும் டிவி ரிப்போர்டர் கேரக்டரில் நடிக்குமாறு ஸ்ருதியை அவரது வட்டாரம் நெருக்கி வருகிறதாம். இந்த ரோலுக்கு இதுவரை எந்த நடிகையையும் போடவில்லை கமல். எனவே ஸ்ருதிக்கு நடிக்கும் வாய்ப்பும் இருக்கவே செய்கிறது.

நன்றி
-தட்ஸ்தமிழ்